والله الموضوع يستاهل

إخواني وأخواتي السلام عليكم
مستشفى سرطان الأطفال من كام سنة كان مجرد فكرة أو حلم
وصعب التحقيق وماكانش حد يتخيل إنه ممكن يتم إنجازه بالإتقان
ده والإمكانيات دي في الفترة القصيرة نسبيا دي لكن عشان أمتنا
مهما ضعقت ومهما كان فيها عيوب الخير جواها زي ماقال رسولنا
عليه أفضل الصلاة وأزكى التسليم:"الخير فيا وفي أمة إلى يوم الدين"
وطبعا ربنا يجازي كل من اتبرع ولو بجنيه،دينار،دولار ، ريال أو أي حاجة
للمستشفى دي بس يا اخواتي ده مش كفاية عشان هي قائمة على
تبرعات أهل الخير
والله الموضوع يستاهل دول أطفال في عمر الزهور بجد بيعانوا جامد
جدااااااااااااااااا وزي ما احنا عارفين فيه حالات من كل الوطن العربي
بتتعالج في المستشفى خلونا نفرح آبائهم وأمهاتهم
حط نفسك مكانهم وحتعرف إزاي إن لموضوع يستاهل تكاتف من الجمييع
صعب قويإنك تلاقي ابنك ضناك مرييض جداا والمرض عمال كل يوم يألمه
ويتعبه أكتر وانت مش في إيدك تعملوا حاجة خاصة وانت ما تملكش
الامكانيات لي تخليك تعالجو
الحمد لله الذي عافانا مما ابتلى به غيرنا وفضلنا على كثير من خلقه تفضيلا
وعشان هو عافانا لازم نحمده ونشكر فضله ودي أحسن طريقة نحمده بيها
إننا نساعد الناس دي والمستشفى على إنهم يعالجو أكبر عدد ممكن
المستشفى دي قدوة لازم تحتذي بها كل الدول العربية
أتمنى نوقف كلنا إيد واحدة لتطوير المستشفى دي
وأختم موضوعي بأروع الكلم آيات من لذكر الحكيم وأحاديث من الهدي النبوي
قال تعالى:"إنما المؤمنون إخوة" وقال أيضا:"وتعاونوا على البر والتقوى ولا تعاونوا
على الإثم والعدوان"صدق الله العظيم
وقال صلى الله عليه وسلم:"المؤمن للمؤمن كالبنيان يشد بعضه بعضا"
وقال أيضا:"مثل المؤمنين في توادهم وتراحمهم وتعاطفهم مثل الجسد الواحد
إذا اشتكى منه عضو تداعى له سائر الجسد بالسهر والحمى"حديث شريف

تحياتي

أختى الفاضلة شاكر جدا اهتمامك

وافتتاحك لمنتدى مستشفى 57357

بذلك الموضوع الطيب

الذى يدعو للمساهمة والمشاركة

كل الشكر والتقدير

وخالص دعائى

لا شكر على واجب أخي آدم
ربنا يوفقك يارب وتشوف المنتدى
زي ما انت حلمت بيه
الموقع بجد يستاهل التعب والجهد
عشان أمتنا محتاجة يصحى جواها
الخير
تحياتي ودعواتي

مشكورة اختى الغالية
بجد موضوع يستاهل

العفو عزيزتي أسيرة
فعلا يستاهل
الله يوفقهم يارب
تحياتي