مشكلة العصر

السلام عليكم ورحمة الله وبركاته
أول حاجة أرجو المعذرة لأن المفروض إنه الشباب هما لي يحطوا مواضيع
القسم ده كونه خاص بمشاكلهم بس فيه مشكلة بقى كل شبابنا عرضة
ليها الشباب لي هما أمل أمتنا وهما عمادها عشان كده حبيت أطرح الموضوع
ده
البطالة بقت عنوان عريض في كل الدول العربية وكل يوم فيه كام شاب جداد
بينظموا لقائمة البطالين وده بقى بيأدي بعدد كبيييييير جدااااا للهجرة غير
الشرعية والحاجة لي بقت تخوف إنها بقت ظاهرة يعني يوم ما تبقى الاعداد
كبيييرة جدا ويوم ما يكونوا الشباب لي بيلجؤوا لده من مختلف المستويات
العلمية والثقافية والاجتماعية مثلا شاب جزايري كان على متن احد قوارب الموت
توفى من حوالي أسبوعين كان حامل لشهادتين هندسة معماريه وهندسة إعلام
آلي في كل الظروف دي لازم الواحد يدق ناقوس الخطر
يعني يوم ما يكون الشاب فقير وبعدين تعب وعانى على ما قدر يخلص دراسته
ولما يطلع ما يلقاش شغل أكيد المسألة صعبة قوووي عليه
لكن المشكلة الحقيقية هي تربية الأولاد من الصغر على مفاهيم غلط يعني لو كان
الواحد اتربى على ايمان حقيقي وعرف إنه ربنا هو الرازق وعمره مايضيع تعب حد
يعني لما الواحد يتعب ويدور حيكرمه ما كانش ده بقى الحال
ده غير المفاهيم الغلط في المجتمع كله يعني الشاب لي طالع ده ومتحمل خطر
الموت لو وصل هناك مش حيشتغل مدير طبعا ده حيشتغل قرصون أو بياع او أي حاجة
لو كنا في مجتعمنا بنعرف نحترم الشغل ونعرف إنه مافيش شغل عيب فيه كسب
حلال وكسب حرام كنا حنعرف نتعامل بشكل أحسن مع الناس لي بيشتغلوا الشغلانات
دي وكان من السهل على شبابنا يبقو في بلدانهم ويشتغلوا ويكبرو
أما بالنسبة للشباب دول فأنا عايزة اقول حاجة مهمة كون انه الحكومات ما عرفتش توفر
مناصب شغل كفاية ده مش سبب أبداااااا إنكم تهاجرو لأنه فيه حلول بإديكم
لما الواحد يجي يهاجر بالشكل ده المهربين بيطلبو مبالغ جامدة جدا على الأقل 3000 دولار
تقريبا ومع إنه الواحد بيقول مافيش شغل وماعنديش فلوي وماعرفش إيه لما يفكر يهاجر
عشان هو مؤمن بالفكرة وعنده إرادة كبيييرة إنه ينفذها يقوم يعمل إيه؟؟؟؟ يدبر المبلغ
بأي شكل من صحابه من اهله من أي حتة
طيب ليه ما ننقلش الإرادة دي لإننا نشتغل في بلدنا مش ضروري نستنى شغل الحكومة
ولا حاجة بتخصص دراستنا ماهو لو كنت مؤمن بإنك عايز تشتغل في بلدك كنت حتقدر تدبر
المبلغ ده لكن مش عشان تهاجر عشان تبدى بيه مشروع صغير وتتعب وتجتهد وربنا قال:
" إن الله لا يضيع أجر المحسنين" صدق الله العظيم
آخر حاجة عايزة أقول موقف حصل لأربع شباب جزائريين هاجروا بشكل غير شرعي عشان أي
واحد يفكر يهاجر يتخيل إنه ممكن يجرى له ده ويشوف حيقدر عليه ولا لا
الشباب دول هاجرو على اليونان بقارب من قوارب الموت ومن هناك على ايطاليا بإنهم استخبو
في سفينة شحن السلطات لإيطالية ألقت القبض عليهم من حسن حظهم كان معاهم ورقة
للإقامة من اليونان لمدة شهر السلطات أمر قائد السفينة إنه بعدما يفرغ شحنته في كل
موانئ الدول لي حيطلعها يرجعهم على اليونان بس الكارثة كانت إنه آخر شحنة كان لازم تفرغ
في إسرائيل وهناك قبضوا عليهم رغم تأكيدات الربان إنه لازم يرجعهم على اليونان شافوا
الويل واتعذبوا على اساس إنهم ارهابيين بعد فترة وبعد حملة للصحافة الجزائرية حكمت المحكمة
ببرائتهم تقوم الشرطة الإسرائيلية تخليهم محجوزين عندها وتوهمهم بإنهم ممكن يتحبسو في
الجزاير لو رجعوا وسعوا بكل الوسائل إنهم يعطوهم اللجوء السياسي هناك طبعا رفضوا والحمد لله
لي خلى جريدة معينة تتابع وضعهم وتمكنت الجزائر من استعادتهم عن طريق الأردن وبوساطات
كتييرة بعد ماشافوا الويلات في سجون الاحتلال لي طبعا ما يتوصاش مع اي حد مسلم

تحياتي

جزاك الله خيرا
اللهم صل على سيدنا محمد
لا خير في بلد لا تستوعب كل المتعلمين فيها
ولا خير فيها إن لم تعدل بين أفراد شعبها
ولا خير فيها إن لم تهتم بالعلم وتجعله في متناول
الجميع وبأ قل التكاليف

وإياك اخي الكريم
شكرا على مرورك العطر
فعلا معك حق بكل كلمة
واضيف أنه لا خير بشعب
لا يسعى لتطوير نفسه
تحياتي