البوي فراند

موضوعنا اليوم هو عبارة عن ظاهرة انتشرت للأسف في اوساط
شباب وبنات الأمة للأسف وهي مسألة الصحبة بين الشاب والبنت
أو ما يعرف بالبوي فراند والجيرل فراند وإن شاء الله راح نناقشها
من جميع الجوانب


خلونا نبدى بالباب لي غالبا ما بيكون مدخل لمتل هالقصص وهو
وهم الصداقة بين الشاب والبنت وهذه كلمة مش موجودة في القاموس
الإسلامي لأنه التعامل بين الجنسين لازم يكون في حدود وهي حدود
الزمالة ولي نكون في مجموعات يعني في حدود مكان الزمالة الشغل
أو الجامعة او المدرسة
بس ما ينفع تقولي واحدة انه فلان صديقي وبلاقيه وقت ما أحتاجه
ويوم أحد فينا يتضايق يفضفض للتاني بس طبعا هو مجرد صديق يعني
زي أخوي والسبب بسيط غير عن إنه هالتعامل حرام هو إنه إحنا
بشر وما فيه أحد قلبه بإيده يحركه كيف ما بده


راح أبدى بأخواتي الحبيبات فيه سؤال طرح على عدد كبيييير جدا من
الشباب لي مصاحبين وهو ترضى لأختك تصاحب شاب؟؟؟
الأجوبة كانت كالتالي:لا ،لا طبعا،إيش لي انتي قاعدة تحكيه أنا أخواتي
محترمات، أنا أخواتي متربيات ما بيفكو حتى يعملو هيك أمور،والله
لأقتلها لو صار هيك شي
تعرفو ليش كانت هالأجوبة لأنه كل واحد يخاف على أخته ويحرص عليها
لأنها غالية بنظره وبيحبها
طيب يا أختي الحبيبة هل ترضي تكوني أرخص من أخته أو من بنات غيرك
طبعا لا لأنه أساسا الإسلام حافظلك مكانتك الإسلام بيجعل البنت زي اللؤلؤة
واللؤلؤة إلها ميزتين هم سبب إنها من أغلى الجواهر في العالم:
الأولى إنها مغطاة بصدفة تحميها من الغبار والأوساخ وكل شي سيء وهذا
شي كفله الإسلام لنا بالحجاب لي يصون البنت من النظرات الخبيثة
والثانية إنها بتكون لشخص واحد ملكه وهو لي بيشتريه باغلى الاثمان لأنه لو
واحد كان عنده لؤلؤة وسلفها لصاحبه والتاني مل منها وباعها لآخر بتصير
ما إلها قيمة أبداااااااااااااا
وهاذي كفلها الإسلام بإنه البنت بتكون لواحد بس هو زوجها


أما إخواني الأفاضل فطبعا رد السؤال لي ورد هو جواب كل شخص عربي
مسلم لأنه ما فيه احد يقل إنه عنده نخوة ورجولة بيقول إنه ممكن يرضة بشي
هيك لأخته طبعا طيب يا إخواني الرجل رجل دوما مش بس على أخته
والمفروض الرجل المسلم الحقيقي ما يرضى لبنات الناس لي ما يرضاه لأخته
قال تعالى:"إنما المؤمنون إخوة" صدق الله العظيم
طيب يقولي واحد انا والله بحبها وخايف تضيع مني عشان هيك قاعد التواصل
بيني وبينها طيب يا أخي هسا لو ربنا ما كتب لك إنه هالبنت تكون من نصيبك
لو بتظل تعرفها مية سنة هل راح تتزوجها بالأخير؟ طبعا لا
ومن ترك شيئا لله عوضه الله خيرا منه عشان هيك لازم نترك هالعلاقات المحرمة
وإن شاء الله ربنا بيعضنا برضاه وبالإيمان وبالحلال
يجيني واحد يقولي بس إحنا بنتعامل باحترام يعني ما بنخرج ولا بنعمل شي غلط
طيب برجع هنا إنه مافيه أحد بيرضاها لاخته تحت اي حال من الأحوال
وهذا لأنكم عارفين إنه هيك شي غلط طيب الغلط غلط عالشاب والبنت والحرام
حرام عليهم الاتنين والوزر نفسه يعني اتقوا الله
وفيه من يقولي إنه البنت بدها هيك هي حرة هنا بسأل سؤال واحد وأتمنى كل
واحد يجاوب نفسه عليه لو أختك حبت تعمل إشي متل هذا هل راح تقول تستاهل
هي لي بدها ولا راح تمنعها أو على الأقل تنصحها

وفيه ناس بيقولو ليش يعني الله حرم هالعلاقات مافيها شي الرد على هالكلام بيكون
مثال بسيط:لو انت بيوم اشتريت مثلا غسالة أكيد بيعطوك معها دليل لي هو كتاب
فيه كيفية تشغيلها وهيك طيب لو قريت فيه إنه الغسالة ما ينفع تحط فيها أكثر من 6 كغ
لبس هل راح تحط 10 أو تروح للشركة وتقولها ليش خليتوها 6 مش 8؟ طبعا لا
لأنك عارف إنه لشركة هي لي صنعتها وهي أدرى بيها
ولله المثل الأعلى يعني هل ينفع نسأل الله ليش ؟ دليل الإنسان هو القرآن الكريم
خلونا نمشي عليه